Наурыз бата - құттықтау

Наурыз бата

 Халайық тез серпіліп, өңі кірер,
 Шаруасы талапты ердің өрлей берер.
 Ұлыстың ұлы күні жайлы болып,
 Құдайым алаш жұрттың қолдап жүрер!
 
 Қазағым, наурыз айың құтты болсын,
 Малдарың аман төлдеп сүтті болсын.
 Ағайын әрқашанда қоғамдасып,
 Өзара ылғи тату-тәтті болсын!
 
 Көз жасы жетім-жесір ие берсін,
 Ұлыс күні дәулетті үйе берсін.
 Есіркеп ғарыптарды қадыр Алла,
 Оларға бие менен түйе берсін!
 
 Әлеумет, бақ, орнатсын наурыз айы,
 Оңды боп ел жұртымның, хал-жағдайы.
 Қар кетіп, жер қарайып, күн жылынды,
 Әр үйдің ойнақтасын тайлақ-тайы.
 

Бата-тілектер » Наурыз батасы »