Сүндет батасы - құттықтау

Сүндет батасы

Бисмиллаһир-рахманир-рахим
Мұсылман болдың, қарағым,
Кәне бері қарағын.
Шырағын жағар ұлысың,
Ата менен ананың.
Таудай болсын талабың,
Алтын менен күмістен,
Жасалсын барлық жарағың.
Көрімдігің мінеки,
Бар ма тағы қаларың?
Қой сұрасаң, қой берем,
Тай сұрасаң, тай берем,
Зат сұрасаң, зат берем.
Ат сұрасаң, ат берем.
Батырлығың байқалса.
Сауыт берем Ақберген.
Мұратыңа жете бер,
Күннен-күнге өсе бер,
Ұзақ болып өмірің,
Өміріңнің түйінін,
Өз қолыңмен шеше бер.
Әумин.

Бата-тілектер » Балаларға баталар »