Келші айым - құттықтау

Келші айым

әні Мелс Өзбековтікі
сөзі Абдрахман Асылбеков  пен  Дулат Исабековтікі
Көрікті көл беті,
Көк елес көлбеді,
Мен тұрмын жағада жабырқау.
Ай нұры арайлы,
Айдынға тарайды,
Сүйіктім келер ме, япырмау.
 
Айдын көл, сен айтшы,
Самал жел, сен айтшы,
Жарыма құс болып ұшайын.
Бір хабар берші, айым,
Жақындап келші, айым,
Лапылдап мәңгі құшайын.
 
Айым боп қалқыдың,
Қайың боп балқыдың,
Қызықты көктемнің кешінде.
Жарасты үніміз,
Жарасты жырымыз,
Тербелдік айдын көл төсінде.
 
Гүлім боп аңқыдың,
Нұрым боп шалқыдың,
Өртеді тәнімді от лебің.
Бақытты шақтарда,
Жақұтты бақтарда,
Өзіңмен бірге көктедім.
Қазақстан композиторларының әндері » Соңғы қосылған дүниелер »