Жайлаукөл кештері - құттықтау

Жайлаукөл кештері

әні мен сөзі Илья Жақановтікі
Алаулап күн батса қырды асып,
Кетуші ек, қалқатай сырласып.
Ұмытсам сол күнді, сол күнді кеш мені,
Есте ғой, дариға, Жайлаукөл кештері.
 
Ай туып, жұлдыздар жанғанда,
Қол созып көктегі арманға.
Жүрген кез жүректен, жүректен өшпеді,
Жақсы еді-ау, дариға, Жайлаукөл кештері.
 
Мүлгіген тыныштық, айдала,
Шу бойы йрғалып жай ғана.
Гүлдерді тербетіп самалдың ескені-ай,
Аңсаттың, дариға, Жайлаукөл кештері-ай.

Қазақстан композиторларының әндері » Соңғы қосылған дүниелер »